C'l artìcul chè 'l è scrit in
Miranduléś |
I Faster Pussycat (Più in présia Mimìna!) i èṅ un grup hard rock americàṅ, fundâ a Los Angeles in dal 1986, ch'al fà d'l hair metal. I aṅ sarnî 'l nóm tulénd spunt da 'l tìtul dna pelìcula cult da 1965 ad Russ Meyer, Faster, Pussycat! Kill! Kill!.
Insém a i Guns N' Roses e a i L.A. Guns i aṅ purtâ avànti 'l gènar sleaze metal, catànd al sucès a la fiṅ di an Utànta c'n al disc ad debùt umònim dal 1987 e specialmènt c'n al sò secónd lavōr ad dū an dòp, Wake Me When It's Over, ch'al gh l'à cavàda a dvintàr disc 'd òr.
Fra i sò sìngui 'd sucès a 'rcurdém Don't Change That Song, Bathroom Wall, House of Pain e Nonstop to Nowhere.
© MMXXIII Rich X Search. We shall prevail. All rights reserved. Rich X Search